بە پێی ڕاپۆرتی ئاژانسی هەواڵی مێهر، کە لە زاری سپۆتنیکەوە بڵاو بووەتەوە، ڕۆژنامەی "تورکیا"ی ئەمڕۆ بە گێڕانەوە لە "سەرچاوە حکومییەکان" ڕایگەیاند کە پێدەچێت یەکەمین دیداری نێوان بەشار ئەسەد سەرۆک کۆماری سووریا و ڕەجەب تەیب ئەردۆغان سەرۆک کۆماری تورکیا مانگی داهاتوو بەڕێوە بچێت و بڕیارە لە "بازگەی سنووری کەساب" لە نێوان دوو وڵات ئەنجام بدرێت.
ئەمە یەکەم دیداری سەرۆکەکانی سوریا و تورکیایە دوای ١٠ ساڵ.
بەگوێرەی سەرچاوەکانی ڕۆژنامەی "تورکیا"، سەرەتا بڕیار بوو شوێنی کۆبوونەوەی ئەردۆغان و بەشار ئەسەد لە عێراق بێت، بەڵام لە کۆتاییدا خاڵی پشکنینی "کەساب/یەڵەداگی" لە ناوچەی سنووری تورکیا و سوریا هەڵبژێردرا.
Your Comment